> அதிர்ஷ்டம் பெருக தாந்த்ரீக ஆன்மீக சின்னங்கள் Skip to main content

அதிர்ஷ்டம் பெருக தாந்த்ரீக ஆன்மீக சின்னங்கள்

சின்னங்கள் மட்டுமே நம் வாழ்வில் பெரும் பகுதியை ஆக்ரமிக்கின்றன என்றால் நம்ப முடிகின்றதா உங்களால்? ஆம் !! நாம் அன்றாடம் பார்க்கும் பல பொருட்கள், வழிபடும் தெய்வங்களின் உடலில் உள்ள சின்னங்கள், தெய்வங்கள் வைத்திருக்கும் சின்னங்கள், தொலைக்காட்சி-சினிமாக்களில் நாம் பார்க்கும் சின்னங்கள் / குறியீடுகள் என ஒவ்வொன்றும் நம் ஆழ் மனதின் மூலம் நம் வாழ்வில் பல்வேறு மாற்றங்களை நேர்மறையாகவும், எதிர்மறையாகவும் செயல்படுத்திக்கொண்டு வருகிறது. உண்மையில் நாம் பார்க்கும் ஒவ்வொன்றும் ஒரு சின்னம் என்றே நம்மில் பலருக்கும் அறியாமல் இருந்து வருகிறது. இந்நிலையில், அவை நம் வாழ்வில் மாற்றங்களை தருகிறது என்றால் சிலருக்கு, நம்புவதற்கு சற்று சிரமம் தான். எவ்வித சின்னங்கள் நம் வாழ்வில் ஏற்றங்களை தருகின்றன, எப்படி அவற்றை உபயோகிப்பது என்பது பற்றி விளக்கி இருக்கின்றேன். இவற்றை புரிந்து கொண்டு உபயோகிப்பின் வெற்றி நிச்சயமே. ஒரு புத்தகமாக கொடுக்க இருந்ததை, தற்சமயம் வலைப்பதிவாக உங்களுக்கு அளிக்கிறேன்!


ஓம் சின்னம் தரும் நன்மைகள் 


பிரணவ மந்திரமான ஓம் சின்னத்தினை தினசரி கண்மூடி தியானித்து வருவது மிகுந்த நன்மையை அளிக்கக்கூடிய ஒன்று.இந்த சின்னத்தினை வீட்டின் முகப்பிலும்,சுவாமி மாடத்திலும் வைத்திருப்பது நன்மை தரும்.


ஸ்வஸ்திக் சின்னம் 


ஓம் சின்னத்தினை போலவே ஸ்வஸ்திக் சின்னம் வீட்டின் முகப்பில் வைத்து அலங்கரிப்பது வீட்டிற்கு பல்வேறு நன்மைகளை கொடுக்கக் கூடிய ஒன்றாகும். 


திரிசூலம் சின்னம் 


திரிசூலம் சின்னமானது மிகுந்த பாதுகாப்பு அளிக்கக் கூடிய ஒன்றாகும். இந்த சின்னத்தை வரைந்து நம் பர்ஸினில் வைத்திருப்பது வீட்டின் முகப்பில் ஒட்டி வைத்திருப்பது போன்றவை நமக்கு மிகுந்த பாதுகாப்பை அளிக்க கூடிய ஒன்றாக அமையும்.


தாமரை சின்னத்தின் அற்புதங்கள் 


அதீதமான தெளிவையும் தூய்மையையும் எண்ணங்களில் சுத்தத்தையும் கொடுப்பது தாமரை சின்னம் ஆகும். இந்த சின்னத்தினை வீட்டில் பல இடங்களில் ஒட்டி வைப்பதும் அடிக்கடி இதைப் பார்த்து வருவதும் தியானித்து வருவதும் மிகுந்த மன வலிமையையும் தனத்தையும் கொடுக்கக் கூடிய ஒன்றாக அமையும்.


நட்சத்திர சின்னங்கள் 


இது பற்றி பல புத்தகங்களிலும்

இணையத்திலும் விவரங்கள் இருப்பதால் இவற்றை சுருக்கமாக கொடுத்துள்ளேன். நட்சத்திர சின்னங்களை தங்களோடு வைத்திருப்பது,விசிடிங் கார்டுகளில் பதிப்பது, அலுவலகத்தில் தங்கள் மேஜையில் படமாக ஒட்டி வைப்பது, வீட்டினில் வைத்திருப்பது, மொபைல் போனில் wall paper ஆக வைப்பது நன்மை தரும். இதை மேலும் பல வகையில் உங்களுக்கு உள்ள கற்பனா சக்தியின் துணை கொண்டு உபயோகிக்கவும்.


நரசிம்மர்


நரசிம்மர் உக்ரமாக தூணில் இருந்து வெளிப்பட்டு பாவியான அவன் வயிற்றைக் கிழிப்பது போல சிங்கமுகத்துடன் கோபம் குறையாமல் இருக்கும் படத்தினை பார்த்து வருவது எதிரிகள் அனைவரையும் அழிக்க வல்ல ஒன்றாகும். ஆகையால் தான் நரசிம்மரை எதிரிகள் தொல்லை செய்வினை பில்லி சூனியம் துர்தேவதைகள் பிடிப்பு பேய் பிசாசு போன்றவை அனைத்தும் நீங்க வழிபடுதல் அவசியம். நரசிம்மர் ஆனவர் கிரகங்களில் செவ்வாய்க்கு உரியவராவார். இவரை தினசரி பார்த்து வருவதும் வழிபட்டு வருவதும் ருண ரோக சத்ரு உபாதைகள் உடனடியாக நீக்க வல்ல ஒன்றாகும்.


ஆந்தை


ஆந்தை பலர் நினைப்பது போல ஆந்தை ஒரு அடிமைச் சின்னம் அல்ல ஆந்தையின் சின்னமானது நமக்கு பலவிதமான ஞானத்தை கொடுக்க கூடிய ஒன்றாகும். பல விஷயங்களை தெரிந்து கொள்ள பல்வேறு விஷயங்களில் தெளிவு அடைய ஆந்தையின் படம், ஆந்தையின் பொம்மை போன்றவற்றை வைத்து பார்த்து வரலாம். பல்வேறு வித சூட்சும விஷயங்களை அறிந்து கொள்ள முடியாமல் இருக்கும் தன்மை நீங்கும். ஆந்தையை பல்வேறு விதங்களில் உபயோகிக்க மனம் பல புதிய விஷயங்களில் நாட்டம் கொள்ளும்.


ஆமை


ஆமை புகுந்த வீடு என்பது போன்ற சில தப்பான பழமொழிகள் இங்கே கூறப்படுவது உண்டு. நாம் ஒதுக்க வேண்டிய ஆமைகள் கல்லாமை, அறியாமை, இயலாமை போன்ற ஆமைகளை. பொதுவாக ஆமை ஆசனங்களை பல கோவில்களில் காணலாம். ஆமை பல்லி மீன் போன்ற சின்னங்களை வெகு இயல்பாக பழங்காலக் கோவில்களில் நாம் காண முடியும். ஆமை தசாவதாரங்களில் பெருமாள் கூர்மாவதாரம் எடுத்த ஒன்றாகும். ஆமையின் படத்தை வீட்டில் வைப்பது, பூஜை அறையில் வைப்பது மிகச் சிறந்த பலனைத் தரும். ஆமையை தினசரி பார்த்து வருவது தன வரவை அதிகப்படுத்தக் கூடிய ஒன்றாகும். ஜன வசீகரம் இல்லாத ஜன நடமாட்டம் அதிகமில்லாத கோவில்கள் வியாபார ஸ்தலங்களில் போன்றவற்றை ஆமைகளை ஸ்தாபிதம் செய்ய வியாபார வசியம் ஜன வசியம் வந்தடையும். அதுமட்டுமின்றி அந்த கோவில்கள், வியாபார ஸ்தலங்கள் பன்னெடுங்காலம் சீரும் சிறப்புமாய் இருந்து வரும்.


ஸ்ப்ரிங் 


வியாபார மற்றும் தொழில் செய்யும் இடத்தினில் இந்த சின்னத்தினை வைத்திருப்பது, பர்ஸினில் மற்றும் பணப்பெட்டியில் வைத்திருப்பது, அடிக்கடி பார்த்து வருவது தொழிலை அதிகரித்து பணவரத்தை பெறுக செய்யும் முறையாகும். எவ்வளவு எதிர்ப்பு மற்றும் போட்டிகள் வரினும் அவற்றில் அமுங்கி விடாமல் துள்ளி எழுந்து தொழிலை பெருகச்செய்யும் சின்னமாகும் இது. 


1936 நாணய குறியீடு 


மிகு நாள் ஆண்டு எனக் கூறப்படும் 366 நாட்களைக் கொண்ட ஆண்டின் எண் சின்னம் பொறித்த நாணயம்.1936 என்ற எண் சின்னம் பொறிக்கப்பட்டுள்ள இந்த நாணயம் மிகுந்த அதிர்ஷ்டத்தை கொடுக்க கூடிய ஒன்றாகும்.இந்த நாணயத்தை படமாக எடுத்து வைத்து தினசரி பார்த்து வருவதும் இந்த நாணயம் கிடைத்தால் இதனை நிரந்தரமாக தங்களின் பெட்டியிலோ அல்லது பர்ஸில் வைத்திருப்பதும் மேலும் மேலும் அதிர்ஷ்டத்தைக் கூட்டிக் கொள்ள கூடிய ஒரு அற்புதமான விஷயமாக அமையும்.  



தாந்த்ரீக சின்னங்கள்-பொருட்கள்-மூலிகைகள் 


கோரோசனை 

 

இந்த கோரோசனை என்பது வீரியம் அதிகம் உள்ள நாட்டு மாட்டில் இருந்து எடுக்கப்படும் ஒன்றாகும்-இயல்பாக மரணமடைந்த மாட்டின் உடலில் இருந்து எடுக்கப்படுவது .எல்லா மாடுகள் இடமும் இவை காணப்படுவது இல்லை சித்த மருத்துவத்தில் மிக முக்கிய பங்கு இதற்கு உண்டு.அதே சமயம் மாந்திரீக தாந்திரீக காரியங்களிலும் இவை மிக முக்கிய பங்கு வகிக்கின்றது. தற்சமயம் இவை போலியாக சில நூறு ரூபாய்க்கு சந்தையிலே விற்கப்படுவதை காண்கின்றேன். இதனால் எவ்வித பலனும் இல்லை.இந்த கோரோசனை ஆனது பொதுவாக வசீகரத்திற்கு அற்புதமாக வேலை செய்யக் கூடிய ஒன்றாகும். இதை திலகமாக இட்டு வர நாம் பல நல்ல விஷயங்களை வசீகரிக்கக் கூடிய ஒருவராக மாறிவிட முடியும் அதே சமயம் உண்மையான கோரோஜனை நம்பிக்கையான நபர்களிடம் இருந்து வாங்கி உபயோகிப்பது மட்டுமே பயன் தரும்.



கருப்பு மஞ்சள்


பொதுவாக இந்த கருப்பு மஞ்சள் வடநாட்டிலே அதீதமாய் வளரக் கூடிய ஒன்றாகும்.தென்னாட்டில் இதன் வளர்ச்சி மிகக்குறைவே.ஆறு ஏழு வருடங்களுக்கு முன் இதன் அருமை பெருமைகளை இங்கே தமிழ்நாட்டில் உணர்த்தி பலரும் அறியச் செய்ததில் எனக்கு பெருமிதம் நிறையவே உண்டு. அதுவரை பல நூறு ஆண்டுகளாய் நடந்து வரும் சித்த மருத்துவ மற்றும் நாட்டு மருத்துவக் கூடங்களில் கூட கருப்பு மஞ்சள் என்றால் என்ன என அறியாமல் இருந்து வந்தனர். தற்சமயம் இது பல இடங்களில் கிடைக்கிறது. இருப்பினும் இதன் உண்மை தன்மையை அறிந்து வாங்கி உபயோகிப்பது நன்மை தரும்.வடநாட்டிலேயே "காளி ஹால்டி" எனப்படும் இவை காளி தேவியின் தன்மையைக் கொண்டவை. பல்வேறு காளி தந்திர உபாசனையில் இதன் பயன் மிக அதிகம்.மேலும் வசீகர தன்மையை ஜன தன யோகத்தினை வழங்குவதில் இந்த கருப்பு மஞ்சளுக்கு மிக முக்கிய பொறுப்பு உண்டு.கிரகங்களில் சனி மற்றும் குருவின் தன்மையைக் கொண்ட இவை.எப்போதும் தன்னுடன் வைத்திருப்பதும்,வீட்டில் வளர்த்து வருவதும் சுவாமி மாடத்தில் மற்றும் பணம் வைக்கும் பணப்பெட்டியில் வைத்து வருவது பல்வேறு வித நன்மைகளை தொடர்ந்து அளித்து வரும்.


கஸ்தூரி  


கஸ்தூரி இயற்கையாக மரணித்த மானின் உடலிலிருந்து எடுக்கப்படும் வாசனை திரவியம்.ஆலயங்களில் கடவுள் விக்கிரகங்களின் மேல் பூசப்படும் ஒன்றாகவும் இருந்து வருகிறது. இதன் முக்கிய பங்கு தாந்திரீகத்தில் வசீகர சக்தியை அதிகப்படுத்த கூடிய ஒன்றாக திகழ்கிறது.இதன் பொருட்டு செயற்கையாக பலர் மான்களை கொன்று விடுகின்றனர் என்ற காரணத்தினால் தற்சமயம் தடை செய்யப்பட்ட ஒன்றாக இருக்கிறது .எனினும் சந்தைகளில் அனைத்து நாட்டு மருந்துக் கடைகளிலும் இவை கிடைக்கிறது என்றால் எப்படி? அனைத்தும் போலியானவை !! ஆகையால்தான் பல தாந்திரீகர்கள் என்று சொல்லிக் கொள்ளும் நபர்கள் இவற்றை உபயோகித்து எவ்வித பயனும் அடைய முடியாமல் இருக்கின்றனர்.அவர்களிடம் வரும் அன்பர்களுக்கும் எவ்வித நன்மைகளும் நடக்கும் என எதிர்பார்க்க முடியாது. இதன் உண்மையான விலை கிராமிற்கு ரூபாய் ஆயிரத்திற்கும் மேல் விற்கப்படுகிறது எனினும் மிகுந்த நம்பகத்தன்மை உடையவர்கள் இடத்து மட்டுமே இதை வாங்கி உபயோகித்தால் பயன்பெறலாம்.


புனுகு 


புனுகு பூனை எனப்படும் பூனையின் உடலில் இருந்து எடுக்கப்படும் இவை வாசனை திரவியமாக- பைரவ பூஜையில் சிவபூஜையில் உபயோகப்படும் ஒன்றாகும்.மேலும் இவை வசீகரத் தன்மை அதிகரிக்க பயன்படும் தாந்திரீக பொருளாகும். 


தர்பை புல்லுருவி 


மிக மிக அபூர்வமாய் கிடைக்கும் இவை பண வரத்தை அதிகப்படுத்த கூடிய ஒன்றாகும். பணப்பெட்டியில் அல்லது சுவாமி மாடத்தில் பரணி நட்சித்திர நாளன்று வைத்து வழிபட பணவரத்து பெருகும்.


மேலும் பல்வேறு தாந்த்ரீக உபயோகங்கள் மற்றும் பரிகார விஷயங்களை பெற எமது தாந்த்ரீக ரகசியங்கள் ஒன்று மற்றும் இரண்டாம் பாக புத்தகத்தில் அறியவும். 


முக்கிய குறிப்பு : இந்த இணைய வலை தளத்தில் இருக்கும் அனைத்து பரிகாரங்கள் மற்றும் பல புதிய முறைகளும் ஸ்ரீகுரு.வாமனன் சேஷாத்ரி அவர்களால் கொடுக்கப்பட்டுள்ளது. DMCA காப்பிரைட் சட்டத்தின் கீழ் வரும் ஒன்றாகும். இவற்றை காப்பி அடிப்பது மற்றும் தங்களின் யூ டியூப் சானலில் காப்பியடித்து போடுவது குற்றமாகும். தங்களின் சேனலும் வலை தளமும் நிரந்தரமாக முடக்கப்படும் அபாயம் உண்டு என்பதை அறிக.அன்பர்கள் மற்றும் இதனால் பயன்பெறுவோர் தாங்கள் மேற்கண்டவற்றை வேறு எந்த சானலில் அல்லது வெப்சைட்டில் கண்டால் உடனடியாக தகவல் தந்து உதவவும்.


Comments

Popular posts from this blog

NEEM KAROLI BABA | நீம் கரோலி பாபா

எதிரிகளை ஓட ஓட விரட்டும் மூலிகை மந்திர பிரயோகம்

அகோர வீர்யம் கொண்டவளும் அதர்வண வேதத்தில் பூஜிக்கப்படும் அசுர துர்கையின் வடிவான இம்மூலிகை வீடியோவில் குறிப்பிட்டுள்ள படி பூஜித்தால் எதிரிகளை துவம்சம் செய்யும். செல்வம் சேரும். கோடிட்ட இடத்தில எதிரியின் பெயரை நிரப்பி கூறி வரவும். அதீத சக்தி வாய்ந்த இந்த மந்திர பிரயோகம் தவறான தர்மமில்லாத விஷயத்திற்கு செய்தால், செய்பவருக்கும் அவர் குடும்பத்திற்கும்  கடும் விளைவுகள் ஏற்படும். எனவே கவனம் தேவை. தெளிவாக வீடியோவை ஒரு முறைக்கு இரு முறை பார்த்தபின் செய்து வரவும். 
ASURI DURGA MANTRA IN ENGLISH :OM̐ KAṬUKE PATRE SUBHAGE ĀSURI RAKTE-RAKTA-VĀSASE ATHARVAṆASYA DUHITE AGHORE AGHORA-KARMA-KĀRIKE _______________ GATIṂ DAHA DAHA UPAVIṢṬASYA GUDAṂ DAHA DAHA SUPTASYA MANO DAHA DAHA PRABUDDHASYA HṚDAYAṂ DAHA DAHA HANA HANA PACA PACA TĀVAT DAHA TĀVAT PACA YĀVAN-ME-VAŚAM-ĀYĀTI HUM̐ PHAṬ SVĀHĀ ।அசுரி துர்கை மந்திரம் தமிழில் :ஓம் கட்டுக்கே பத்ரே  ஸுபகே அசுர ரக்தே ரக்த வஸசே அதர்வனஸ்ய துஹிதே அகோரே அகோர கர்மா கரிகே  ________________கடீம் தஹ தஹ குடாம் தஹ  தஹ சுப்தஸ்ய மனோ தஹ தஹ பிரபுத்தஸ்ய ஹ்ருதயாம் தஹ தஹ பஸ பஸ தவத்…

பணம் வர பண வசியம் செய்ய கருப்பு மஞ்சள்

பணம் வர பண வசியம் செய்ய  கருப்பு மஞ்சள் 
இதை திலகமாக இட்டு செல்ல தன வசியம்-பண வரவு சித்திக்கும். சனி மற்றும் குருவினால் ஏற்படும் கஷ்டங்கள் விலகும். காளிக்கு மிக உகந்ததாக கருதப்படும் இது ஜாதகத்தில் ராகுவினால் உண்டாகும் தோஷத்தையும் குறைக்க கூடியது.பணத்தை எதிர் நோக்கி வெளியில் செல்லும் போது இதை நெற்றியில் இட்டு மற்றும் தன்னுடன் எடுத்து செல்லலாம். வீட்டில் மற்றும் வியாபார/தொழில் செய்யும் இடங்களில் பண பெட்டியில் / பீரோவில் வைக்கலாம். கணவன் மனைவி கருத்து வேறுபாடு மற்றும் சந்தைகள் மிகுந்து இருந்தால், மனைவி இதை குலைத்து முகம் முழுதும் தேய்து குளித்து வர தாம்பத்தியம் சிறக்கும். சட்டீஸ்கர் மாநிலங்களில் இன்றும் இதை நடு விரலில் ஊசியால் குத்தி அதன் ரத்தத்தில் இதை குழைத்து நெற்றியில் இட்டு செல்கின்றனர். வராத பணமும் வந்து சேரும் என்பது நம்பிக்கை. 
பிற்சேர்க்கை 2020: இவற்றை பற்றிய உண்மைகளை முதன் முதலில் தமிழ் மக்களுக்கு அறிமுகம் செய்த பெருமை ஸ்ரீகுரு.வாமனன் சேஷாத்ரி அவர்களையே சேரும். அவரின் வேந்தர் தொலைக்காட்சி மூன்றாவது கண் நேர்காணல் நிகழ்ச்சி (2015)யில் இதை பற்றி விரிவாக குறிப்பிட்டுள்ளார். 
அந்நாட்கள…